كثر المواصل بالهوى ماهو بزين **** ودك بخلك بين مده ومده

كثر المواصل بالهوى ما هو بزيـن
ودك بخلـك بيـن مـدّه ومــدّه

لأن البنادم ما ترك طبعـه الشيـن
لا حب له شي وشبـع منـه هـدّه

لكن لا منّه جاك من حين لي حيـن
قـدّرت جيّاتـه وقـدّرت صــدّه

فان قلت ابيك وقال ما هوب هالحين
لا تبلشـه يمكـن ضروفـه تحـدّه

اصبر عليه ايّام وشهـور وسنيـن
ان كانـه يـودك وكانـك تــودّه

وخلك لا منه اعطاك ما تطلبه دين
ما جاك منـه اخـذه ومـا رد ردّه

ولا تسـوي مثـل نـاسٍ مساكيـن
اصلك وفصلك فالهـوى لا تعـدّه

الحب مـا خـلاّ قبيلـه ولا ديـن
نكـس حكومـاتٍ وكسّـر اشـدّه

جالوه عقّالٍ (ن) وراحـو مجانيـن
وكم واحدٍ (ن) خاضه ولا هو بقدّه

يقوله اللي جاحدٍ (ن) علّتـه ليـن
بـارت محافيـره وبيّـح بـسـدّه

هذا كلام وانـت بتشـوف بعديـن
والله ان تميّز بيـن مزحـه وجـدّه

تحياتي لكم

يعطيك العافية
من هو الشاعر اللى كتب القصيدة