أشكي من البعد

موضوع: أشكي من البعد السبت 30 أغسطس 2008, 1:30 am

أشكي من البعد وغيابـك واشكي هجر في عذابي زاد
مسكين واقف على بابـك أرجيك وانتا تزيـد عنـاد
فرحان تضحك مع اصحابك طبعك كذا عالهجر معتـاد
مغرور ماترحـم احبابـك حتى بكايـا معـك مافـاد
أحرمتني راحـة اتعابـك واحرمتني فرحة الأعيـاد
كنت أعشقك واعشق ترابك لاكـن فـؤادك قليـل وداد
محروم نومي من اسبابـك خليت فرشي جمـر وقـاد
احرمتني ضحكـة أنيابـك غرستلي للهمـوم أوتـاد
واليوم جور الزمن جابـك راجع وتبغى الأسا ينعـاد
لا للإسف بانـت ألعابـك خلاص ذاك الغـلا ماعـاد
اليوم بعـد الشقـا نابـك أشهدت خالق ورب عبـاد
با عز نفسي على غيابـك ولو طال سقمي معاك وزاد
على الرحيل احسب حسابك وكمل طريقك ورا الحسـاد
وين الذي كانـوا ذيابـك عيال عنتـر ابـن شـداد
خليك عايش مـع اكذابـك لاااازم فؤادك معي ينكـاد
ويهل دمعك مـن اهدابـك ياللي من اول بغيت بعـاد
وعن حالتك إرسل خطابك وقول الزمن في عذابك زاد
وإدعس عليِِـا اذا سابـك او يوم نورك معاك انقـاد

وتقبلوا خالص تحيات:أسير الشوق