الشاعرة نوير سلمان البلوي رحمها الله

الشاعره نوير سلمان الشمران الرشودي الرموثي البلوي
رحمها الله تقول في ابيات مناسبتها قلة القهوة وغلاؤها في ذلك الوقت

البن لو إنه غالي غير نشريه
....................والبن دونه ماتجوز العذوري
خطو الولد لو راح ماهو مشاقيه
....................يمشي ويلقى عند الأجواد سوري
اكيد لاجانا من البعد راعيه
...................العذر يافق للردي والحزوري
الشاهي المثقول ماهو مقهويه
.....................مادام ماشاف المبهر يدوري

ــــــــــــ

ولها ايضا هذه القصيدة

ياعل من دس الذخيره ليا الحول
.......................عسى يمينه عند شر وطاها
اللي على عذراه مايخلف القول
........................بالعلة اللي مايحص دواها
اللي تغزه من ورى البيت مخيول
......................وليا تعشت تطعمه من عشاها
هذاك عده طول الأيام مقتول
....................صابر عن الزينه وعايش بلاها
ماشوقنه يوم بانن كما الجول
...................خمشة رسنهن قبل واحد بغاها
ياما نطحهن واحد تقل مهبول
....................وان شب ناره وخروا عن سناها
المدح مايكسب ؟ يقع بعد مفعول
...................خطو الولد من شبته مالباها
مع دلة ٍ صفرا بها البن مشلول
...................ماهو وني عجلا على اللي بغاها
وياما حلا فنجالها مابها قول
.....................واللي بقلبه علة ٍ هو شفاها

ـــــــــــــــــ
من كتاب :الأدب الشعبي لقبيلة بلي .

صح لسانها
ويعطيك العافيه اخوي المحتار على الإهتمام بالشعر العربي